علشان كده أنا نازل يوم 27!

Tweet

Share

حكاية مصعب فجرها د.حسن نافعه بمقاله المصري اليوم (مهزله أم فضيحه كبرى؟) و أتم محمود سعد العكننه بهذه المكالمة، الحقيقه أن هذا هو ما أقوله من أول الدعوة للنزول يوم 27، لم نرى سوى محاكمات هزليه للقتله و المجرمين و السفاحين، يعني ايه يعني عيني تتصفى و أخد 70 ألف جنيه تعويض؟ .. أعمل بيهم ايه دول؟ .. الشهيد و المصاب دول فقدوا أرواحهم و أعز و أغلى ما يملكوا عشان يشوفوا مصر فيها عداله و حريه و ديمقراطيه و عداله إجتماعيه، لو إنتوا شايفين إننا ماشيين في طريق تحقيق أي حاجه من الحاجات دي يبقى متنزلوش، أنا عن نفسي شايف إننا مش بنحقق أي حاجة من الحاجات دي و لازم ننزل عشان نصحح مسارنا، لازم كل المجرمين دول يتحاسبوا و يتحاكموا و لازم المصابين يتعالجوا على نفقة الدولة و ياخدوا حقوقهم، قليل من الإحترام و التقدير الله يرضى عليكم!
أنا نازل و اللي مش عاوز ينزل عنه ما نزل، بس إفتكروا إنكم قاعدين بتقسموا في التورته بدري أوي و إنكم بتدوروا على أطماع شخصيه بدري أوي و إنكم نسيتم الهدف الأنبل و الأسمى، عيش .. حريه .. عداله إجتماعيه!
في أمان الله.