ليه كده؟!
السؤال طفولي و ساذج، أنا مبقتش عارف أتكلم، في دماغي مليون و مليون حاجه عاوز أكتبها و أدوّنها في الوقت ده بس خلاص مش عارف، حاولت كتير و النهاية كانت إن التدوينة تتركن جنب إخواتها في المسودات، السؤال المسيطر على دماغي فقط دلوقتي هو: ليه كده؟!
ليه كل الشعوب العربية عايشة تحت ظل انظمة عربية متغطرسة مستبدة عندها إستعداد تقتل شعوبها و تحرق البلد بكل ما فيها علشان تستمر في أماكنها؟
ليه شعب زي الشعب الليبي (شعب عمر المختار) شعب عظيم ناضل نضال الأبطال عشان يتحرر من الإحتلال و في النهاية تكون نهايته هو إحتلال القذافي الجاهل الأرعن المجنون اللي خرب البلد و نهبها و لما الشعب فكر يقوم كان الرد واحد، أجندات خارجية و قلة مندسة حلال قتلها؟
ليه شعب زي شعب اليمن العظيم صاحب الحضارة الجبارة بيحصل معاه نفس السيناريو الحقير اللي هيتكرر إن شاء الله لغاية النهاية زي ما حصل في تونس و مصر؟
ليه شعب زي شعب الجزائر (بلد المليون شهيد) بعد المليون شهيد يسيطر عليه حكم العسكر و يذله و يستعبده بنفس الإسلوب المتبع في باقي البلدان العربية ولما بيتكلم بيكون نفس الرد، إعتقال، سجن، حبس، تعذيب، كهرباء، هتك عرض، قتل؟!
ليه دولة زي البحرين، عندها الفلوس و الإمكانيات اللي تعيشها و تعيش شعبها أحسن عيشة يحصل فيها اللي بيحصل ده؟ .. ليه؟
ليه حكامنا العرب مصرّين يحطونا في مرتبة أقل من مرتبة الآدمية؟
ليه حكامنا بيتعاملوا معانا على إننا جماعه من الخراف حلال قتلهم، و حلال دمهم، و حلال عرضهم، و حلال نهبهم؟
ليه كل حاكم من دول بيبقى أول حاجة يعملها لما شعبه يعترض هي إنه يضربه بالنار؟ .. طب ليه بعد ما يضربه بالنار بيرجع يدعوه للحوار؟ .. ايه الغباء ده؟!
ليه أمريكا و كل دول العالم بتساند حكامنا الظلمة و في نفس الوقت بتتظاهر بإنها بتدعم الحرية و الديمقراطية؟ .. و ليه حكامنا بيستمدوا القوة منهم بدل ما يستمدوها من شعوبهم؟
ليه أي محاولة صادقة لتغيير الواقع المر بيكون أول رد عليها هو الخيانة و العمالة؟، و كأن إحنا مكتوب علينا الإستبداد و الظلم و الإفترا، و كأن هو ده الوضع الصحيح!
ليه لازم نفضل عايشين مطاطيين راسنا تحت حكامنا العرب اللي بدورهم مطاطيين راسهم تحت الأمريكان؟
طب بلاش كل ده .. ليه أمريكا عندها حق فيتو و إحنا لأ؟ .. ليه لما 14 دولة في الأمم المتحدة تصوت لصالح قانون وقف الإستيطان تيجي أمريكا و بمنتهى السهولة تسقط القانون بمنتهى البساطة عشان كلمة من أربع حروف معرفش مين إداهالها .. الفيتو اللعين!
ليه العالم بقى مكان لعين كده؟!
ليه كده؟ .. هه؟
عدد التعليقات: 5
التعقيبات
عيون صديقة
- الشرق للبرمجيات
- مدونة أحمد
- مدونة أحمد توك
- مدونة أحمد حمودة
- مدونة أيام
- مدونة الخطط العفوية المبدعة
- مدونة المحفوظ
- مدونة المعاصر
- مدونة بدون عنوان
- مدونة حسام الأخرس
- مدونة رامي
- مدونة رقمي
- مدونة زووون
- مدونة شخص
- مدونة عبدالرحمن علي
- مدونة عبيد الكعبي
- مدونة عطر الكلام
- مدونة عمرو
- مدونة فكّر
- مدونة كمونة
- مدونة محمد اونلاين
- مدونة منشور لايف
إعلانات
مواضيع مميزة
صفحة المدونة على الفيسبوك
صفحة المدونة الجديده على الفايسبوك
مساحة إعلانية
المتابعين عن طريق الـ RSS
كمية اسئلة مهمه كلنا بنتسائل وكلنا واقفين مش عارفين الخطوة الجاية إيه بس غايتنا هي الدعاء والتمسك بالإيمان بنصر الله إن نصرناه قبلا ….سلمت يداك يا بني
أسأل الله أن نجد أجوبة قريبة
ربما الجواب لكل بساطة لأننا مسلمون و الإسلام دين الحق
و دول الباطل لا ترضى ان يعود الإسلام لعزه و لا المسلمون
لحضارتهم فيسلطون علينا كلابهم في شكل حكام ظالمين
متجبرين ، لنبقى مستكنين ، على فكرة حكامنا لا اعرف ان
كانوا من نفس كوكب الارض الذي نعيش فيه ام انه جيءَ بهم
من كوكب آخر فلا حس لهم بشعوبهم و لا هم يحزنون
اعجبني الكلام بجد
سلام
حقا ليه كدة سؤال قد تجده مليون إجابة وإجابة
آه آه ..
لا أدري .. هل المشكلة من الحكام
أم منا نحن الشعوب لأننا سكتنا و رضينا بالذل طوال هذه السنوات !
تساؤلاتك مؤلمة !
تدوينة بسيطة لكنها جميلة جدا
ليه ؟
يمكن لأننا كنا طيبين جدا وسذج جدا ،، لأننا قللنا من قيمة أنفسنا ورضينا بأمثال هؤلاء يحكموننا …
لكن هذه الأيام كشفت لنا الكثير جدا جدا وستولد المنطقة من جديد ،،،
أعجبني جدا هذا السؤال:
“ليه أمريكا و كل دول العالم بتساند حكامنا الظلمة و في نفس الوقت بتتظاهر بإنها بتدعم الحرية و الديمقراطية؟ .. و ليه حكامنا بيستمدوا القوة منهم بدل ما يستمدوها من شعوبهم؟”